Xiisad ka taagan Boosaaso kadib gadood ay sameeyeen ciidamo Puntland
Wararka Ugu Aqrintabadan
Wararka24: Xiisad ayaa maanta laga soo sheegay magaalada Boosaaso ee xarunta ganacsiga Puntland, kadib markii ciidamo ka tirsan Daraawiishta Puntland ay bilaabeen gadood ay kaga cabanayaan mushaar la’aan iyo daryeel ay sheegeen inuu ka maqan yahay.
Wararka ka imanaya gobolka Bari ayaa sheegaya in ciidamadan oo ka qayb qaatay howlgalka Calmiskaad ee lagula dagaalamayay kooxda Daacish ay xirteen afaafka hore ee magaalada, isla markaana ay fariisimo ka sameysteen meelaha laga soo galo Boosaaso.
Xaaladda ayaa sii kacsanayd markii ay goobta gaareen ciidamo kale oo ka tirsan kuwa Puntland, kuwaas oo ugu dambeyn ku guuleystay in ay ciidamadii gadoodka sameeyay ka qaadaan waddada si dib loogu furo isku socodka gaadiidka iyo dadweynaha.
Saraakiil ka tirsan ciidamada gadoodka wada ayaa ugu baaqay madaxda Dowlad-goboleedka Puntland inay si degdeg ah u soo farageliyaan arrintooda, iyagoo sheegay in cabashadooda ku saabsan mushaarka iyo xuquuqdooda ay soo noq-noqotay.
Mas’uuliyiinta deegaanka ayaa sheegay inay wadaan dadaallo lagu dejinayo xaaladda, isla markaana lagu qancinayo ciidamada inay ku laabtaan xeryahooda iyadoo xal loo raadinayo tabashada ay qabaan.
Ilaa iyo hadda wax war ah kama soo bixin madaxda sare ee Puntland oo ku saabsan gadoodka ciidamada iyo xiisadda laga dareemayo magaalada Boosaaso.
.jpg)
No comments:
Post a Comment